Esta ferramenta proporciona un vehículo que facilita un xeito de interacción entre alumnado e profesorado que transcende do espazo da aula e do período lectivo, propiciando un espazo de publicación, debate e divulgación do traballo de aula.
Favorece a consecución da competencia educativa e, por suposto, da competencia dixital. Ao mesmo tempo, permite a inclusión de elementos multimedia, como vídeo ou presentacións, imaxes ou vínculos con outros espazos web, o que facilita enormemente o tratamento de todo tipo de contidos curriculares.
